Belaunaldi andaluz hau

Oscar García Jurado, Portal de Andalucían argitaratua.

Jateko gauzei buruz hitz egin dezagun noizean behin “azentuarekin”, bestela gero ez dago eta gargardotarako. Ahal dela izan dadila Andaluziako garagardo-artisaua.

Tranpak eta Next generation

"Next generation", hau da, hurrengo belaunaldia. Horrela deitzen diete egungo krisi ekonomikoari aurre egin beharko dioten Europako funtsei. Neoliberalek estatuaren funtsak nahi dituzte; esku-hartze publikoa nahi dute. Inoiz ez dute kontrakorik nahi izan, propaganda egin arren. Politika neoliberala ez da estatu gutxiago izatea, Estatua kapitalaren zerbitzura jartzea baizik. Hau da, gastu publiko gutxiago gastu sozialetarako eta jendearen bizitza hobetzeko (dirua izan ala ez izan), alde batetik, eta, bestetik, ahalik eta gastu publiko gehien etekinak lortzeko baldintzak hobetzeko (dirua duen jendearen bizitza hobetzea). Horregatik neoliberalismoa historiako desberdintasun maila handienak eragiten ari da. Europako funtsak, beraz, "Belaunaldi honetako" kapital-enpresak salbatzeko erabiliko dira. "Hurrengo belaunaldia" arduratuko da ordaintzeaz. Negozio eta arpilatze gisa duen zorrari esker, finantza-kapitalak irabaziak lortzen jarraituko du.

Keynesiar gastu publikoaren helburua eskaria bultzatzea zen, aberastasunaren banaketa hobetzea. Gastu publiko neoliberalak eskaintza eta enpresa handiak salbatzea du helburu, eta, horrela, desberdintasuna, prekarietatea eta bidegabekeria areagotzea. Eta hori funtsezko bi bidetatik egingo du: batetik, finantza-kapitalak dirua mailegatuko die erakunde publikoei, eta horietatik interesak kobratuko ditu; bi, diru publiko hori finantza-kapital horren jabetzako enpresetara joango da, eta horietatik etekin gehiago lortuko ditu. Hori da jokoa: desberdintasun gehiago, aberastasun gehiago haientzat eta tranpa gehiago hurrengo belaunaldirako.

Eta, horren aurrean, isiltasun handiegia. Arreta gutxi. Gizarte hiperaktiboa gara: arreta gehiegi jartzen dugu zenbait gai eta uneetan; arreta falta dugu beste une eta gai batzuetan. Interes espureoek eragindako arretaren desoreka daukagu, jakina, eta horrela gero eta gehiago markatzen baitigute pausoa, agenda eta argumentarioa.

Kasu honetan, ez diegu erreparatzen gazta eskaintzen duten eta etorkizuna harrapatzen diguten tranpei. Galdutako jendea, gazta bakarrik ikusten duen gehiengoa; beste jende bat, gutxiengoa, harrapatutako "next generation"aren kontura sariren baten zain.

Hurrengo arpilatzea

Pello Igeregi ELA sindikatuko buruzagiak artikulu bat idatzi zuen duela aste batzuk: "Trantsizio ekologikoaren aitzakiarekin hurrengo arpilatzea ari dira prestatzen. Europak izugarrizko funtsak mahaigaineratu ditu herrialde ezberdinek digitalizazioaren erronkari edo trantsizio ekologikoari aurre egiteko. Baina Euskal Autonomi Erkidegoan funts horien parte hartzeko aurkeztutako proiektuak aztertzea besterik ez dago argi izateko hemen ez dela trantsiziorik, krisi honen aurretik enpresa zehatz batzuek zeuzkaten proiektuak finantzatu behar ditugu (Petronor edo Iberdrola, esaterako), zor publiko bitartez proiektu pribatuak eta irabazi pribatuak finantzatzeko, ondoren gogoraraziko digute gure aukeren gainetik bizi izan garela eta gehiegizko zor publikoari aurre egiteko doikuntza politikak ezinbestekoak direla. Falazia hau errematatzeko, trantsizio ekologikoaren beharra aipatzen duten politikari berdinek diesel motorraren bizi-esperantza ahal beste luzatzeko diru-laguntza publikoak bideratzen dituzte, diru hori autogintzak eta bere langileek ezinbestean biziko duten trantsiziora bideratu beharrean.. "

Euskal Autonomia Erkidegoari buruzko hau irakurrita, imajina ezazue zer gertatuko den hemen, Andaluzian. Duela aste batzuk, honako hau zioen albiste bat irakur zitekeen: "Andaluziak 20.000 milioi euroko taldea izendatzen du".  Sei kontseilarik erabakiko dituzte Juntak aurkeztuko dituen garrantzi handiko (gutxienez 10 milioi euro) "eskualde-proiektuak",  ekimen pribatuak eta beste administrazio batzuetakoak barne. "Next Generation UE" izeneko funts europarrak esleitzean datza.
Juntako bulegoetan "hurrengo belaunaldiko harpilatzaileen" milioi euro horien bila dauden mugimenduetan pentsatzen dut. "Sevilla kortesanoa" jende "prestatuz" beteta egon behar da: "Liberalak", diru publikoa erakartzen adituak, hau da, neoliberalak. Bai, neoliberalak dira, Rogelio Velasco (Ekonomia kontseilaria) edo Juanma Moreno. Friedmanen atzetik, askok ia jakin gabe, Estatua erabiltzen dute, batez ere krisi kapitalista bat edo hondamendi natural edo sortu bat iristen denean, kapitalaren interesetan aurrera egiteko, aberastasuna metatzeko, desberdintasuna sortzeko.

Jarraian, Naomi Kleinen "la doctrina del shock" irakurrita, duela hilabete batzuk, ezohiko uda honetan egin nuen hausnarketa bat ekarri dut hona: "Andaluziako gobernuak eta beste instantzia politiko eta sozioekonomiko batzuek osasun-krisia erabiliko dute Andaluziako gizartearen pribatizazioan, bazterketan eta desberdintasunean aurrera egiteko. Horretarako, KPMG bezalako enpresak erabiltzen dituzte. Enpresa horrek 240 milioi euro jaso zituen Iraken inbasioaren ondoren, mendebaldeko enpresak arpilatzeko behar ziren proiektuak eta legeak egiteko. Enpresa hori oso finkatuta dago Andaluzian.
Hemen, (eta eragiteko gaitasuna duten tokietan) baliagarriak izango dira edozein krisialdi aprobetxatzeko, eliteen onurarako komuna den guztia arpilatu eta espoliatzeko. KPMG bezalako enpresak beharrezkoak dira hondamendiaren kapitalismoak programatutako harrapakinetan. Kapitalismoak dakarren hondamendiak erakunde 'eraginkor' horiek behar ditu. "

Beharrezko olatuak

Duela hilabete batzuk gertatuko zena ikusten zen eta gaur ez nuke ezer negatiborik aurreratu nahi. Andaluzian badaude erakunde, egunkari, sindikatu, alderdi edo mugimendu sozialak (edo Magiaren Lagunen kluben bat, edozer),  une honetan ikertzeko gai direnak zer gertatuko den neoliberalez betetako bulego horietan bideratzen ari diren 20.000 milioi horiekin. Hau da, kapitalaren loria handiagoa lortzeko diru publikoa kontrolatzen eta esleitzen duen jende neoliberala.

Kapitalaren hurrengo belaunaldia aurreko guztiak bezain makurra da. Espero dezagun oraingo Andaluziako belaunaldia eta “next generation"  gai izatea aurrekoek jasandako arpilatzea geldiarazteko. "Olatu" horiek oso beharrezkoak dira.