"Elikadura eskubidea ezin dugu jorratu elikadura burujabetzaz eta agroekologiaz berba egin barik"

"Gure herrian elikadura sistemari erabat bizkarra eman diogu". "Agroindustriak gure planeta berotzen duen bitartean, gure baserritarrek hoztu egiten dute". "Inoiz baino janari gehiago ekoizten ari den momentuan, inoiz baino gose gehiago pairatzen duen jendea dago". "Gure platerera iristerako, elikagaiek, batez beste, 5.000 km egiten dituezte. Gure eguneko menua kilometrikoa da. Euskal Herrian jaten duguna % 95a kanpotik dator". Bizilur Lankidetzarako eta Herrien Garapenerako Erakundeko David Lopategik, ekainaren 14ean Gasteizen, ELA sindikatuaren Gizalan zerbitzu publikoetako ordezkariei eman zien hitzaldia, trantsizio ekosozial justurako sindikatuaren proposamena eta aldarrikapen taula lantzeko antolatu zen mintegian.