Sareak berreskuratu eta berrasmatu: errelatoak, irudikapenak, estrategiak disputan
EHdigitala-ren web-eko albistea, hemen
10:30 Autodefentsa digital feminista
DonesTech-eko kideek “Autodefentsa digital feminista” tailer praktikoa eskainiko digute Torrekua jauregian. Bertan, arreta jarriko diogu mehatxu digitalen identifikazioari eta haien eraginei. Espazio honetan, mehatxu horiek nola antzeman eta gure eguneroko errealitatean zer nolako ondorioak dituzten ulertzen ikasiko dugu. Gainera, arrisku-egoerei aurre egiteko prebentzio- eta erantzun-estrategia nagusiak aztertuko ditugu. Partekatuko ditugun proposamenen artean, nabarmentzekoa izango da burujabetza teknologikoaren garrantzia, eta software librea eta iturburu irekiko softwarea erabiltzea, ingurune digitalean ahaldundu ahal izateko funtsezko tresna gisa.
Aforoa 35 lagunekoa izango da.
17:00 El reto de la digitalización democrática
Simona Levik “El reto de la digitalización democrática” izenburupean hitzaldia emango du Joxepa Antonia Aranberri eraikinean. Teknologiak nola herritarren parte-hartzea eta aldaketa soziala bultzatzeko tresna gisa aztertuko da. Levik demokrazia inklusiboago eta irisgarriago baten alde egiten du, eta tresna digitalen beharra azpimarratzen du gardentasuna, kontu ematea eta herritarren ahalduntzea sustatzeko. Adibide eta hausnarketen bidez, hizlariak gaur egungo erronken inguruan pentsatzera gonbidatuko gaitu beti ere demokrazia digitalaren alorrean.
Aforoa 50 lagunekoa izango da.
Eguerdian, elkarrekin bazkaltzeko aukera izango dugu, baina horretarako ere izena eman behar da.