Azterketak 44: ELAren proposamenak fiskalitate justu baterako

Txostenak hiru atal ditu: lehenengoan fiskalitatea ikuspegi historiko batetik aztertzen da, azken urteetako bilakaerari helduz. Bigarrenean, zerga-sistemaren inguruko egungo eztabaidak aztertzen dira. Alde batetik, maila globalean planteatzen ari diren proposamenak aztertuko ditugu, eta, ondoren, espainiar estatuan gertatzen ari dena aztertuko dugu, gure lurraldean ere eragina duena. Azkenik, 11 neurri proposatzen dizkiegu Hego Euskal Herriko erakundeei, gehien dutenek gehiago ordainduko duten zerga-sistema progresiboagoa helburu. Neurri horiek, era berean, genero-arrakala fiskala ezabatzen lagunduko lukete; izan ere, emakumeek errenta txikiagoak dituzte, enplegutik datozenak gehienbat, eta kapital-errentetan gutxiago parte hartzen dute.