Europar Batasuna: Agenda oliba-berdea eta digitala enpresa transnazionalen zerbitzura

Latinoamerikako Multinazionalen Behatokiak (OMAL) ELArentzat egin duen txosten honek Europaren gaur egungo agendaren erradiografia sintetikoa eskaintzen du, eta horren lehentasunak eta tresnak erakusten ditu. Horrela, trantsizio ekosozialaren erronka estrategikoari eta premiazkoari aurre egiteko baliabideak eskaini nahi ditu, hura bai ala bai izango baita. Eta trantsizio horrek ez ditu eliteen diskurtsoa, agenda eta praktika onartzen, horiek baitira EBren gaur egungo politika sostengatzen dutenak.