Indarrak bildu burujabetza irabazteko

Gure historia politiko hurbileko funtsezko gertakari batek -Lizarra-Garaziko adierazpenak, alegia-hamargarren urteurrena duela-eta, ELAko Nazio Batzordearen asmoa da horri buruzko hausnarketa eguneratzea, adierazpenaren testuingurua eta giroa gogoratzea, haren eduki inplizitua eta esplizitua berreskuratzea, haren kudeaketan oker eta zuzen egindakoak aztertzea, eta gaurkotzea hamar urte geroago itun hark baliagarritik daukana.