Guggenheim Bilbao: Titanioaren eta artelanen atzean, azpikontraten museoa ezkutatzen da, prekaritatearen museoa

Guggenheim museoko garbitzaileek "honaino heldu gara" esan eta greba mugagabea abiatu zuten ekainaren 11n. Urte asko eman dute Bilbo turistikoaren ikono bihurtu den museoa garbitzen lan-baldintza negargarrien truke. Aski da! esan dute, eta greba, abesti eta dantzen bidez, museoak ukatzen dien duintasuna berreskuratu nahi dute. Hau da #GuggenTrap bideoklipa.