UNED eta Manu Robles-Arangiz Institutuak antolatutako aurtengo uda ikasataroa botere sindikalaren eraberritzeaz arituko da. Horretarako nazioarteko hiru aditu egongo dira gurekin: Adelheid Hege eta Christian Dufour frantsesak, eta Gregor Murray Quebec-tarra.
Sindikatuek daukaten eragin geroz eta txikiagoa azaltzeko kanpoko baldintzetara jotzen da normalean (globalizazioa, enpresen atomizazioa, kultura indibidualista...). Seminario honetan, ordea, beste baldintzetan sakondu nahi dugu: gaitasun eta baliabide klabeak sindikatuen botere eta berrikuntza indartzeko.
