ALTERNATIBA, klimaren aldaketaz beste hautabideen herria
Alternatibari buruzko argibideen txostena
Paradaren kari, oinezkoa bilakatu Baionako zentroaren zati batean 10 000 jende biltzen ditu, eta hainbat elkartetako 500 boluntariok antolatzen dute, 2013ko irailaren 26ean GIEC / IPCC aren (Klimaren Bilakaerari Buruzko Gobernuarteko Aditu Taldearen) 5. txostenaren argitalpenaren justu ondotik. Alternatibaren helburua bikoitza da:
- GIECaren txostenaren edukia jendeeri ezagutaraztea ; larrialdi klimatiko egoeraren mezua zabaltzea, publiko zabala eta hautetsiak molde laster eta erradikalean gure berotegi efetuko gasen ttipitzeari sentsibilizatzea. Hori, gure ekoizpen, kontsumo, garraio eta lurraldearen antolaketa moldeak sakonki aldatzea proposatuz ;
- Ezintasun sentimentuari, suntsipen sentimentu efetuari eta eragin dezakeen desmobilizazioari buru egitea, segidan ekitaldi handi bat, bakoitzak bere mailan ekintzari lotzea posible dela, eta aldaketa klimatikoaren egin ahala mugatzea atsegin iturri eta jendarte zoriontsuago eta gizatiarrago baten ekarle dela erakusten duen gertakari inportante bat antolatuz.
Mundu berri bat jadanik martxan
Beraz, mundu hobe baten eraikitzearen bidean kokatzen da, desafio klimatikoa altxatuz.
Urriaren 6ko egunak, mezu hau hedatuko du: Klimaren berotzearen aitzinean, aterabideak badira, trantsizio energetikorako bideak biderkatzen ari dira, milaka elkartek, pertsonak, herrik, eskualdek jadanik esperimentatzen ari dituzte munduan barna. Milaka alternatiba horiek, egunerokotasunean, zuzenagoa, bihozberagoa, lagun artekotasun eta elkartasun handiagokoa den jendarte baten eraikuntzan parte hartzen dute.
Ahal den toki guzietan obratu behar dira, orain eta hemen. Aldi berean, mundu guziko erabakitzaileek neurri handian berriz har ditzaten fermuki eskatu behar da, bidez molde adierazgarrian ahal bezain laster aldatzeko ! Alternatiba klimaren beroketaren kontrako adostasun zuzen, handinahitsu eta eraginkor baten lortzeko nazioarteko mobilizazioan sartzen da.