Negoziazio Kolektiboaren estatalizazioak EHko langileak kaltetzen ditu

Patronalen estrategiak helburu argi bat du: erreformei ahalik eta zuku gehien ateratzea etekinak ugaltzeko, pobretutako lan-baldintzen kontura. Legeak honetarako eskaintzen dituen abantailen artean negoziazio kolektiboaren zentralizazioa dago. Horretarako bidea erraza da: patronalak estatukoak ez diren esparruetako hitzarmenen negoziazioa blokeatzen du beren iraunaldia gal dezaten, ultraaktibitatea amaitzean; aski du denbora igarotzen uztea eta negoziatzeko borondaterik ez izatea hitzarmen estatalak indarrean sar daitezen, eta hauek askoz okerragoak dira. Eusko Jaurlaritzari, bestalde, patronalari babes betea ematen diolarik helburu hauek errazteko, ez zaio bat ere axola zentralizazio estrategiak dituen eragin lazgarriak.