Oinarrizko eskubideak eta polizia. Poliziaren Esku-Hartzeen Erregimen Juridikoa

2022/02/16
WEberako.jpg
Argitalpen hau Euskal Herriko Unibertsitatearen eta Manu Robles-Arangiz Fundazioaren arteko lankidetzaren emaitza da. Helburua demokrazia batean berebiziko garrantzia duen gai batera hurbiltzea da, poliziaren araubide juridikora eta esku hartzeko moduetara. Araubide juridiko horrek garrantzi nabarmena du sistema politikoa erregimen diktatorialaren oinordekoa denean. Kultura politikoak historia horren eraginpean jarraitzen du bizitzako esparru guztietan, bereziki administrazioen funtzionamenduan eta, nola ez, baita poliziaren eremuan ere.

Irakurri edo deskargatu dokumentu osoa

Polizia-eginkizunak zorroztasuna eta eustea eskatzen du. Bere papera funtsezkoa da gizarte batean. Segurtasunik gabe ez dago bermerik giza eskubideez baliatzeko. Gehiegizko segurtasunak askatasuna eragotz dezake. Horregatik da garrantzitsua polizia-eginkizuna behar bezala arautzea. Funtzio publikoa bermea eta mehatxua da aldi berean. Polizia funtzio publikoak babesten ditu herritarrak, eta, aldi berean, haien aurrean babestu behar dira. Oreka konplexua da, legezkotasun-printzipioa eta pertsonen oinarrizko eskubideak errespetatzen dituena.

Gauza publikoan interesa duten pertsonei zuzenduta dago lan hau, batez ere ikasleei. Polizia-funtzionarioei ere zuzenduta dago. Polizia-funtzioa oso konplexua da bere garapenean, praktikan jartzean, eta ez du inoiz ahaztu behar demokrazia babesteko jarduten duela. Politikak, aldi berean, eragina du polizia-funtzioan, desnaturalizatzen baitu, eta horrek bere funtzionamenduan zorrotza izatea eskatzen du. Polizia-eginkizunean lan egiten duten pertsonek erantzukizun berezia dute gizartearen aurrean. Bere konpromiso demokratikoak eredugarria izan behar du, bere funtzioari horrela dagokio eta.

Lanaren egileak, hurrenkera alfabetikoan, Unai Aberasturi Gorriño (VII. atala), Nieves Arrese Iriondo (I. atala), Jose Ignacio Cubero (III., IV. eta V. atalak) eta Iñaki Lasagabaster Herrarte (II. eta VI. atalak) dira.