Solasaldia: Ekintza sindikalaren onura emozional eta psikologikoak

2021/04/21
OnuraEmozionalak.jpg
Apirilaren 27an 18:30ean "Ekintza sindikalaren onura emozional eta psikologikoak" online solasaldia antolatu dugu, Kataluniako COS sindikatuarekin batera. Bertan, gaiari buruz hitz egingo du EHUko psikologia departamentuko irakasle eta ikerlaria den Imanol Ulaciak, egiten ari den ikerketa oinarritzat hartuta. Hasierako hitzaldi hori hiru langileren testigantzekin osatuko dugu, guztion arteko solasaldiarekin amaitzeko. Mahai-ingurua gaztelaniaz izango da eta https://labur.eus/MRAbbb loturan jarrai dezakezue. Gonbidatuak zaudete!

Solasaldia jarritzeko lotura honetan sartu: https://labur.eus/MRAbbb

Imanol Ulacia, EHUko irakasle eta ikerlaria, Erakunde Psikologian aritua eta aditua da. Egun beste bi ikerlarirekin batera psikologia soziala eta sindikatuen arteko harremanaz ikerketa bat ari da burutzen. Ikerketa honek sindikalismoak langileentzako dakartzan onura fisiko, emozional eta psikologikoei buruzko beste ikerketa batzuetatik edaten du. Orain arte Erakunde Psikologia enpresarien eta patronalaren onurarako erabili da soilik. Bada garaia zientzia hori sindikatuen lana hobetzeko erabiltzeko, historikoki langileen ongizaterako erreminta nagusia izan diren (eta diren) heinean.

Imanol Ulaciaren hitzaldiaren ondoren hiru langileren testigantzak etorriko dira. Bere esperientzia kontatuko dutenak dira:

- Elena Vasconez (NH Villa de Bilbao hoteleko gela garbitzailea eta ELAko ordezkaria. 48 eguneko grebaren ondoren hobekuntza ugari lortu zituzten hitzarmenean)

- John Freddy (Anoeta estadioko obretako ELAko ordezkaria. Bere kasua eta obretako istripuan ia hanka galdu zuen Antonio Escandonarena kontatuko ditu)

- Montserrat Castañé (Kataluniako COS sindikatuko ordezkaria haragi sektorean)

Gaiari buruz argitaratu ditugun lan batzuk:

Psikologiak langileen mugimenduak aztertu behar ditu

Sindikatuak onuragarri dira langile klasearentzat eta gizartearentzat orokorrean: ebidentzia berria

Klase-miopia: psikologia eta sindikatuak

Zoriontsu izateko, sindikalizatu!

Langile borrokatik ahalduntze feministara