Mobilizazioaren erabilgarritasuna eta premia

2012/09/17
i22 manifak.jpg
Irailaren 26ko greba prestatzeko eskainiko dizuegun laugarren eta azken artikulu/aurkezpena da hau. Bertan langile mugimenduak lortu dituen gauza guztiak mobilizazio bidez izan direla azaltzen da. Termiten lanaren antzekoa dela egin behar duguna. I22ko manifak eta I26ko greba distantzia luzeko bidean hurrengo geltokiak baino ez dira.

Aurreko artikuluak:

1) Shock politika kapital metatze fase berri baterako

2) Gizarte eta demokrazia krisi erraldoiaren ezkutaketa

3) U13ko neurriak eta Greba deialdia

Diapo aurkezpena ikusi

Soilik mobilizazio sozialak lortuko ditu behar ditugun aldaketak.

Bosgarren greba orokorra izango da i26koa, eta jendeak galde dezake zer lortuko dugun grebarekin. Galderak badu bere zentzua: murrizketak egingo dira eta bide luzea gelditzen zaigu.

Baina langile mugimenduak politika publikoetan aldaketak lortu ditu, mobilizazio bidez lortu duenean klase politikoak langileon eskaerak bere egitea. Gaur egun, klase politikoak botere ekonomikoak dioena baizik ez du entzuten.

Dena den, garrantzia eman behar diogu Europako zenbait herrialdetan gertatzen ari denari

Frantziako hauteskundeetan, lehen itzulian, %40ak ia indar “ez ohikoei” ematen die bozka

Grezian ezkerreko mugimenduak ia hauteskundeak irabazi ditu

Islandian krisiaren eragin dutenak prozesatu dira eta kosntituzio berria idazten ari dira

Shock politikek ere estatu “hutsuneak” sortuko ditu, zilegitasun falta babesten dituzten alderdiengan... Gurea zibilizazio borroka da: ekonomia pertsonaren zerbitzura egon behar duela eskatzen dugu, eta beraz, politikaren azpian, ez alderantziz, orain gertatzen den moduan.

Agian termiten irudiak balio digu... Itxuraz altzari bat zurruna da, noizbait txiki bat nahiko izan arte desagerrarazteko. Termitek modu isil, ikusezin eta atzemanezin batean desgastatzen joan dira denbora luzean zehar. Gaur indar harremanak ez du ematen, baina emango du noizbait...

Ez da kontu txikia, garai txarretan nortasun koletiboa indartzea. Gu bat izendatu hainbeste basakerien aurrean eta kolektiboki esan ez gaudela ados. Gaur agian ezin ditugu gauzak aldatu, baina behintzat oihu egiten dugu gu aldatu nahi ez dugula. Benedettik zioen moduan: “proiektua da beraien proiektua izorratzea, gu geu izaten jarraitzea...”

Lau greba orokor handi egin ditugu. Horretarako gure esparrutan itxuraz hegemonikoak diren grebaren kontrako iritziak gainditu ditugu. Iritzia sortzeko gaitasuna izan dugu enpresetan, kalean, lagunartean... bestela ez dago azaltzerik aurreko greben arrakasta. Eta mobilizazio maila handiak lortu ditugu.

I-26 egun handi bat, paro handi bat eta mobilizazio egun erraldoi bat bihurtu behar dugu.

Murrizketa hauei eta datozenei, krisia okertzen dituzten politikei EZ esateko

Esateko krisiari aurre egiteko beste moduak badaudela, lehentasuna zabaltzen ari diren gizarte larrialdi egoerei erantzutea dela

Egoera honen kostuak benetazko arduradunei pasatzeko

Lan eta gizarte alternatibak planteatzeko

Gizarte eta sindikatu gune alternatiboa, ez menpekoa, indartzen joateko

Borroka erreferentzia indartzeko

Borroka legatua

Grebak langile borrokaren tradizio onenarekin lotzen gaitu, eta gaur borrokan dabiltzan guztiekin batzen gaitu.

Egun batez, arnas ematen diegu grebekin, EREekin, itxierekin, gatazkekin, negoziazioekin, konkurtsoekin... hilabeteak borrokan dabilen jende askori

Grebarekin legatu bat eta borroka eredu bat uzten dugu hurrengo langile belaunaldiei. Borrokaren pedagogia egin behar dugu, urteak iraungo dituena

IBIL GAITEZEN, OIHU EGIN DEZAGUN...
BIZITZEA EGOKITU ZAIGUN GARAI HONEN
HISTORIA IDAZTEN DENEAN
JAKIN DADIN EZ GINELA ADOS EGON
(Raúl González Tuñón)